الخصوصية
وش نحفظ من بياناتك، ولمين تروح، وكيف تحذفها.
مسودة — تراجعها جهة قانونية قبل الإطلاقآخر تحديث للمسودة: ٢٦ أكتوبر ٢٠٢٦
وش نحفظ
اللي تكتبه أو ترفعه: بيانات الحساب، وتقويمك ومهامك، ودراستك، ومصاريفك، وتمارينك، ومحادثاتك، وذاكرتك، وملفاتك. بيانات الفريق تظهر لأعضاء الفريق حسب دورهم فقط.
وش يروح للنماذج
موافقتك على الإرسال للنماذج تعطيها عند التسجيل مع الشروط، وما يُرسَل شي إلا حين تطلبه أنت. التفاصيل (وش يُرسَل ولمين) في صفحة «استخدام الذكاء الاصطناعي».
الإرسال يتم من خادمنا، ومفاتيح المزوّدين ما توصل لمتصفحك. ذاكرتك وملفاتك وتسجيلاتك ما تروح لمزوّدي الاستوديو.
النماذج المجانية والتدريب
بعض النماذج المجانية تقول سياسة مزوّدها إنه ممكن يحتفظ بالطلبات ويستخدمها لتدريب نماذجه. عشان كذا عندك خيار اسمه «نماذج مجانية لبياناتي (قد تُستخدم للتدريب)».
الخيار مقفل لأي حساب جديد. ما ينفتح إلا بموافقتك الصريحة، وقبل ما ينفتح نذكر لك المزوّدين اللي سياستهم تسمح بالتدريب. موافقتك هنا هي موافقة على نقل بياناتك لهم حسب نظام حماية البيانات الشخصية في المملكة.
لو فتحته، ملفاتك ومصاريفك وتقويمك وذاكرتك ممكن تروح لنموذج مجاني. لو قفلته، بياناتك الشخصية ما تروح إلا لنموذج مكتوب عليه «خاص»، والمحادثة كاملها تظل على نموذج خاص.
تقدر تقفله متى ما بغيت. اللي أُرسل قبل كذا لا نقدر نسحبه من المزوّدين.
الإيميل والتطبيقات المربوطة
نص الإيميل يُعامل كبيانات: نلخّصه ونقترح، وما ننفّذ شي مكتوب فيه. كل اقتراح ينتظر موافقتك. ما نرسل للنموذج غير المرسل والعنوان وأول أسطر.
تحكمك ببياناتك
تراجع ذاكرتك وتصحّحها وتصدّرها وتحذفها من «الذاكرة». حذف حسابك يحذف بياناتك، ونحتفظ بما يلزمه النظام فقط ولمدة محددة تذكرها النسخة النهائية.
مصادر التمارين
Exercise data by RepDB (repdb.co)
قائمة التمارين للاستخدام داخل التطبيق فقط: ما تُصدَّر، وما تُنشر، وما نوفّر منها واجهة عامة. صور التمارين ما نستخدمها لتدريب أي نموذج، وترجمة الأسماء للعربي تتم من النص فقط.
التمارين اللي تكتب اسمها بنفسك من «مو لاقي التمرين؟ اكتب اسمه» تبقى لك وحدك، وما تدخل القائمة العامة.